Jos 12 | Ndebele | STEP | Lala ngamakhosi elizwe abantwana bakoIsrayeli abawatshayayo, badla ilifa lelizwe lawo ngaphetsheya kweJordani ngempumalanga, kusukela esifuleni seArinoni kusiya entabeni yeHermoni, lamagceke wonke ngempumalanga :

Joshua 12

Amakhosi anqotshwa nguMozisi

1 Lala ngamakhosi elizwe abantwana bakoIsrayeli abawatshayayo, badla ilifa lelizwe lawo ngaphetsheya kweJordani ngempumalanga, kusukela esifuleni seArinoni ^a kusiya entabeni yeHermoni, lamagceke wonke ngempumalanga ^b: 2 USihoni inkosi yamaAmori owayehlala eHeshiboni ^c, ebusa kusukela eAroweri esekhunjini lwesifula seArinoni laphakathi kwesifula, lengxenye yeGileyadi ^d kuze kufike esifuleni iJaboki, umngcele wabantwana bakoAmoni ^e, 3 lamagceke kuze kufike elwandle lweKinerothi, kuze kube selwandle lwamagceke, uLwandle lweTshwayi, empumalanga ^f, indlela yeBeti-Jeshimothi, njalo kusukela eningizimu ngaphansi kweAshidodi-Pisiga ^g; 4 lomngcele kaOgi inkosi yeBashani ^h owensali zeziqhwaga ⁱ owayehlala eAshitarothi leEdreyi ^j, 5 wabusa entabeni yeHermoni ^k leSaleka leBashani lonke ^l, kuze kube semngceleni wamaGeshuri lamaMahakathi, lengxenye yeGileyadi, umngcele kaSihoni inkosi yeHeshiboni ^m. 6 UMozisi inceku yeNkosi labantwana bakoIsrayeli babatshaya ⁿ. UMozisi inceku yeNkosi waselinika abakoRubeni labakoGadi lengxenye yesizwe sakoManase ukuba yilifa ^o.

Amakhosi anqotshwa nguJoshuwa

7 Lala ngamakhosi elizwe uJoshuwa labantwana bakoIsrayeli abawatshayayo nganeno kweJordani entshonalanga, kusukela eBhali-Gadi esihotsheni seLebhanoni kusiya entabeni yeHalaki ^p eyenyukela eSeyiri ^q. UJoshuwa walinika-ke izizwe zakoIsrayeli laba yilifa njengokwehlukaniswa kwazo ^r: 8 Ezintabeni, lezihotsheni, lemagcekeni, lemawatheni, lenkangala, leningizimu ^s: AmaHethi, amaAmori, lamaKhanani, amaPerizi, amaHivi, lamaJebusi ^t. 9 Inkosi yeJeriko, eyodwa ^u; inkosi yeAyi, eseceleni kweBhetheli, eyodwa ^v; 10 inkosi yeJerusalema, eyodwa; inkosi yeHebroni, eyodwa; 11 inkosi ^w yeJarimuthi, eyodwa ^x; inkosi yeLakishi, eyodwa ^y; 12 inkosi yeEgiloni, eyodwa ^z; inkosi yeGezeri, eyodwa ^aa; 13 inkosi yeDebiri, eyodwa ^ab; inkosi yeGederi, eyodwa ^ac; 14 inkosi yeHorma, eyodwa ^ad; inkosi yeAradi, eyodwa ^ae; 15 inkosi yeLibhina, eyodwa ^af; inkosi yeAdulamu, eyodwa ^ag; 16 inkosi yeMakeda, eyodwa ^ah; inkosi yeBhetheli, eyodwa ^ai; 17 inkosi yeTapuwa, eyodwa ^aj; inkosi yeHeferi, eyodwa ^ak; 18 inkosi yeAfeki, eyodwa; inkosi yeLasharoni, eyodwa ^al; 19 inkosi yeMadoni, eyodwa ^am; inkosi yeHazori, eyodwa ^an; 20 inkosi yeShimironi-Meroni, eyodwa ^ao; inkosi yeAkishafi, eyodwa ^ap; 21 inkosi yeThahanakhi, eyodwa ^aq; inkosi yeMegido, eyodwa ^ar; 22 inkosi yeKedeshi, eyodwa ^as; inkosi yeJokineyamu ^at eKharmeli, eyodwa ^au; 23 inkosi yeDori emngceleni weDori, eyodwa ^av; inkosi yezizwe ^aw zeGiligali, eyodwa ^ax; 24 inkosi yeTiriza, eyodwa ^ay; wonke amakhosi angamatshumi amathathu lanye.